കലികാല കോമരങ്ങള്‍ക്ക് അറുതിയില്ല,
കാലന്റെ കരങ്ങള്‍ക്കുമവധിയില്ല,
ഭിന്നിപ്പിന്‍ രാഷ്ട്രീയതന്ത്രങ്ങളില്‍
അഴിമതിയുടെ നിലയ്കാത്ത ആരവത്തില്‍
അല്പ്പമായ് മാറുന്ന സുരക്ഷിതത്വത്തില്‍
നിണം തിളയ്ക്കുന്ന പാന്താവില്‍
ചുവരെഴുത്തുകള്‍ ശിഷ്ടം......
ദൈവത്തിന്റെ സ്വന്തം നാടിനിഭാവിയില്‍
ആള്‍ദൈവത്തിന്‍ കേന്ദ്രമായ് മാറുമ്പോള്‍
ജിഹാദന്ന ശ്രേഷ്ടമാം വാക്കിന്നെ കാട്ടാളന്‍
കിരാതമാര്‍ഗത്തിന്‍ വഴിവിളക്കാകുമ്പോള്‍
കലികാലം മെല്ലെ-മേല്ലെയായ് പുലരുന്നു...
ഭൂമിത്തന്നടിത്തട്ട് കിളയ്കുവാനുതകുന്ന
യന്ത്രവല്‍കൃത ലോകതാളവും,
പാശ്ചാത്യ സംസ്കാരം ഊറ്റികുടിക്കുന്ന
രക്തബന്ധത്തിന്റെ നിറമാര്‍ന്നബാല്യവും,
ദുഗ്ദം നുകരാന്‍ കൊതിക്കുന്ന കുഞ്ഞിനെ
ഭ്രൂണവേദിയില്‍ ഹനിക്കുന്ന മാതാവും,
സാമ്പത്യമാന്ദ്യം തലയില്‍ നുരയ്ക്കുമ്പോള്‍
പാഷാണക്കുപ്പിയില്‍ ജന്മം അടക്കുവോര്‍,
കലികാല കോമരനടനകോലങ്ങള്‍....
പുഞ്ചിരിചാടുന്ന ശലഭകുഞ്ഞുങ്ങളെ
പിച്ചിചീന്തുന്നൊരു ധ്വംസകന്‍ ദ്രിശ്യമായ്
നീണ്ടുപോവുന്നോരീ കലികാലനാടകം
പുതുംയെരുന്നൊരു ദ്രിശ്യവിരുന്നായ്
അവതരിപ്പൂ; അക്ഷികള്‍ സാക്ഷിയായ്
വിരലൊന്നു അമര്‍ത്തുകിനി -
കലികാലം ഡോട്ട് കോമില്‍ ....
